ရောက်ရောက်ချင်းပဲဆောက်/စောက် နဲ့ထွင်းချလိုက်တယ်။ ဘာပုံများပေါ်လာမလဲလို့ စောင့်ကြည့်။ အသေသားလေးမွေးခံရတဲ့ကျွန်တော်တို့ဟာ အဆဲလ်/ဆဲ လေးတွေကိုယ်စီနဲ့ စမွေးခဲ့ ရပါတယ်လူကြီးမင်းခင်ဗျာ။ ကြည့်လိုက်တိုင်းခပ်စောင်းစောင်းတွေချည်းပဲ တွေ့ရတယ်။ ဖြတ်လိုက်တဲ့ လက်မှတ်တွေ။ ဖတ်လိုက်တဲ့ သတင်းတွေထဲမေတ္တာတရားဆိုတာချည်းပဲ။ အဲဒီမေတ္တာတရားတွေမှာပဲ လူ့အဖြစ်တွေ တက်တက်စင်အောင်လွဲ။ အလွဲတွေက လွပ်လွပ်လပ်လပ်ကြီးကိုလွဲ။ စစ်အတွင်းက ဗုံးခိုကျင်းထဲမှာအသက်ရှူရသလိုမျိုး
အထိတ်တလန့်သားကောင်တွေ။ မှောင်တဲ့ကြားထဲ မည်းမည်းမြင်ရာ သွေးလန့်ရတဲ့
အိပ်မက်ဆိုးမျိုးဆက်ကြီးပါ လူကြီးမင်း။ ကလိမ်ခြုံကျမှုတွေက ကမ္ဘာကြီးပေါ်ကနေ
ဘယ်တော့မှ အမြစ်ပြတ်နိုင်မလဲ။ တောပြုံးပါတယ် တောင်ပြုံးပါတယ်
လူကြီးမင်းခင်ဗျာ။ မဖြစ်နိုင်တာတွေချည်းအိပ်မက်ပေးတော့ ဘဝတွေက သွေးထွက်သံယိုတွေချည်းဖြစ်လို့။
ငွေကြေးရဲ့ဇာတ်လမ်းထဲ ခပ်နာနာအနှက်ခံရတဲ့အနာတွေချည်း ပြည့်နှက်။
အမှန်တရားဟာ တကယ်ကို အာသာပြေရုံငုံထားတဲ့ ပါးစပ်တွေထဲ ပိုးစိုးပက်စက်
မုဒိန်းအကျင့်ခံရတယ်။ ယဉ်ကျေးမှုကို ကိုယ်လက်နှီးနှောပစ်လိုက်ဖို့ အာသာဆန္ဒ
ပြင်းပြလာတဲ့လူငယ်တွေ။ တစ်ခုခုဆို ပြင်းပြင်းထန်ထန် ခံစားမှု လမ်းဆုံးထဲ
ရောက်သွားတယ်။ ခေတ်ဆိုတဲ့ အမျိုးသမီးက စိုးရိမ်ရေအမှတ်နဲ့
တိုင်းပြီးစောင့်ကြည့်တယ်။ အကြောက်တရားကို ဖိသိပ်ခဲ့တဲ့ ခေတ်ဟာ
လူကြီးမင်းတို့ လက်ပေါ်တင် ဆုံးခဲ့ပြီးပါပြီ။ စက္ကူအကပ်ခံရတဲ့
မုန့်လုံးလိုမျိုး လုံးလည်ချာလည်လိုက် ပျင်းစရာကောင်းတဲ့
ပညာပေးဇာတ်လမ်းတွေကို ရေရောသာက်ပြီး ကြည့်နေရတယ်။
အာရုံတွေမှောက်မှားမိတဲ့အခါ လူကြီးမင်းတို့ဟာ ဒီကဗျာကို
နှလုံးသားနဲ့နာနာဖတ်ပါ။ အစမကောင်းခဲ့တဲ့ လူ့အဖြစ်ထဲ အစထဲကရိုးမှ
အစိုးရဆိုတာချည်း ပေါ်လာတဲ့အခါ။ ကျွန်တော်တို့မှာ အနတ္တတရားထဲ အစိုးမရလို့
အစမရိုးရုံလို့ မဖြေနိုင်တဲ့အခါ။ လူငယ်က လူငယ်စရိုက်အတိုင်း
ပေါက်ကွဲပွင့်ထွက်တတ်ပါတယ် လူကြီးမင်းခင်ဗျာ။ လူကြီးမင်း လူကြီးလို့ မင်း။
ဖုန်းထဲကထွက်လာတဲ့လူကြီးမင်း။ အခွံတွေလွတ်နေတဲ့ ဈေးထဲက
အခွံလွတ်လူကြီးမင်း။ ခပ်ရိုင်းရိုင်းတုံ့ပြန်လိုက်တဲ့အခါလူကြီးတော့
ကြီးလာတာတစ်ခုပဲရှိတဲ့ လူကြီးမင်းများခင်ဗျာ။ ကျွန်တော်တို့ဟာ
ဖိနှိပ်အားကုန်သွားတဲ့အခါ တန်ပြန်တွန်းကန်တတ်တဲ့ စပရိန်ခေတ်ထဲက
လူငယ်များဆိုတာ လူကြီးမင်းတို့ နားလည်စေချင်ပါတယ်။
0 comments:
Post a Comment