မင်းအကြောင်း ငါ့အကြောင်းနဲ့ သူ့အကြောင်း အရာရာ

ရှုပ်ထွေးလာ ... ပိုပြီးရှုပ်ထွေးလာ ... အရှုပ်ထွေးဆုံးဖြစ်လာ။
မသေမရှင် မသေ သို့သော် မရှင်။ဆေးစားဆေးသောက်က
နေ့ရွှေ့ညရွှေ့မရဘူး။ထစ်အနေတဲ့အတိုင်း အတည်ကြီး တန့်နေ။
အရည်မရအဖတ်မရ အရည်ရတော့ အဖတ်ဆယ်မရ။ခေတ်ရေစီးထဲ
ပေါလော/ပက်လက်မျော။

ဘွဲ့ဆိုတော့ ဘွဲ့လိုက်ရ။အလုပ်ဆိုတော့ ဟုတ်လိုက်ရ။စိတ်ကူးစိတ်သန်းနဲ့
ခြင်းတောင်းထဲကသစ်သီးပုပ်ဟာ အတူတူပဲ။ဒီအသက်အရွယ်မှာ အချစ်လည်း
လိုတယ်။အားကောင်းမောင်းသန်လည်း လိုတယ်။ငွေကြေးနဲ့အပျော်အပါး
တစ်ပြိုင်နက်တည်း လိုတယ်။လမ်းစကားဘန်းစကားလေးလည်း တတ်
အသောက်အစားလေးလည်း ဖက်လိုက်ချင်တယ်မဟုတ်လား။
ကျောတယ်ထင်ရင် မောသွားမယ်။လက်ဖျံရိုး ချိုး
ဓားလို ကိုင်ပြီး ထိုးပစ်လိုက်။သင်တန်းတွေ စက်သေနတ်ပစ်သလို တရစပ် ပြေးတက်ရ။
ဘာသာစကားတွေ နင်နေနင့်နေအောင် ပလုပ်ပလောင်း အပြောကျင့်ရ။စလုံးလားမလေးလားဂျပန်လားကိုရီးယားလား။ရှာရမယ့်ငွေက ငယ်ထိပ်ကို
မြွေဟောက်လို လှမ်းပေါက်တယ်။ငါတို့ရဲ့စွမ်းအားဟာ ဒီနိုင်ငံမှာ ရွှေဖြစ်ဖို့ငြင်းဆန်ခံရ။
မြေအောက်ကနေ လျှပ်စစ်ဓာတ်တွေ သွယ်တန်းစွန့်ထုတ်ပစ်သလို ငါတို့အရည်အချင်းဟာ
ရေပိုက်ခေါင်း လှည့်ဖွင့်သလို တိုင်းတစ်ပါးသားတွေဆီ ပန်းထွက်ပေးရ။

ရေးလက်စကဗျာနဲ့ ... သွင်းလက်စသွေးနဲ့ ...။ယုံကြည်ချက်ကို တစ်ခုခုပေါ် ဦးလည်မသုန်
ထိုးစိုက်ပစ်လိုက်ဖို့ မြနေအောင် သတယ်။ပြတင်းတံခါးကို ဖွင့်ချည်ပိတ်ချည်။ရှုမျှော်ခင်းထဲ
ငှက်လို ပျံဆင်းလိုက် ရှုမျှော်ခင်းတွေဆီ ဒလိမ်ကောက်ကွေး ပြုတ်ကျလိုက်။တီဗွီကြည့်ရင်း စာအုပ်ကောက်ကိုင်မိ။ယောက်ယက်ခတ်တယ်။ငြိမ်သက်တယ်။မကျေနပ်ရင် အော်ဆဲလိုက်။
မိသားစုကိုလည်း ပြန်ရချင်တယ်။သွေးစသွေးနတွေကိုလည်း ပြန်ရချင်တယ်။ဖြစ်နိုင်ရင် ဘ၀ကို ဖောက်ထားတဲ့မြေအောက်လမ်းလား။စစ်တကာ့စစ်ထဲမှာ ကဗျာဆရာအချင်းချင်းတိုက်တဲ့
ဣဿာမစ္စရိယစစ်ကို အမုန်းဆုံးပဲ။

အသားစိုင်ကို ကျားရိုင်းလို ကုတ်ခြစ်ဖို့ ချောင်းမြောင်းနေတဲ့အတွန်းအတိုက်တွေထဲ နိစ္စဓူဝ
တက်လိုက်ဆင်းလိုက်။နှုတ်ခမ်းကို တင်းနေအောင် စေ့ထားတိခနဲ။သက်ပြင်းချလိုက် ခေါင်းမော့လိုက်။
အဝေးရောက်နေတဲ့ချစ်သူကိုစိတ်မချဘူး။ကျန်းမာရေးက နေ့လားညလားဆိုသလို
ငွေရေးကြေးရေးကလည်း နေ့လားညလားပဲ။ကျက်ရမယ့်စာတွေက မှတ်ဥာဏ်ကို ကျော်နေတယ်။ဖတ်ရမှတ်ရမယ့်ခေတ်ရေးခေတ်ရာတွေက ရတက်မအေးစရာတွေချည်း။အကျင့်ပျက်ခြစားသူဝန်ထမ်းမဖြစ်ချင်ဘူး။ပညာရေးကို
ရင်လေးတယ်။ညည အိပ်မရ။အတွေးတွေက သန်းခေါင်ထက် နက်နက်လာ။

စားပွဲပေါ် စိတ်လွတ်ကိုယ်လွတ် ပစ်တင်လိုက်မိတဲ့နားမလည်မှုတွေပဲ။တွေဝေမိုက်မဲမှုဟာ အမြဲတမ်း အဆင်သင့်။
အခုချိန် သေခြင်းတရားက လာကမ်းလှမ်းရင် ငြင်းဆန်ဖို့ခက်မယ်။ညစာဟာ ဘယ်တော့မှ ငါတို့အမီ ရောက်မလာဘူး။ငါတို့နဲ့ခေတ်ကြီးရဲ့အချိတ်အဆက်က သွေးထွက်လွန်ဆက်ထုံးလို မြဲတယ်။
ငါတို့ ဘယ်တော့မှ ရှုံးလို့မဖြစ်ဘူး။