သက္ကရာဇ် ၂၀၅၀ မှာ မင်းးးးးးဘဝကူးကောင်းပါစေ မိဝါဆို

မင်းဟာသတ္ထုမျက်နှာနဲ့ သိပ်လိုက်ဖက်တာပဲ။မင်းဟိုက်ထားတဲ့ ရင်ညွန့်မှာ ရမ္မက်မီးတွေတောက်လာအောင်။
မင်းဝတ်ထားတဲ့စကတ်တိုတိုမှာ ပုရိသလှိုင်းတွေထန်လာအောင်။သီအိုရီကျကျ မင်းတွက်ချက်ပြီး
မဟုတ်လား။မင်းခေါင်းပေါ်ကဝဲကျနေတဲ့ ပလပ်စတစ်ဆံသားတွေကလည်း မြို့ရဲ့ မြစ်ရေကြီးခြင်းသတင်းကို
ဖြစ်ပေါ်စေခဲ့ပြီ။မင်းဟာ ဓာတ်ကြီးလေးပါးကိုလျစ်လျူရှုထားတဲ့ သီရိမာပဲ။ဟမ်ဘာဂါကို မသိတဲ့
ဓာတုကလျာပဲ။မင်းဟာအေဒီ 2014 မှာခေတ်ထဲကို ကိုယ်လုံးတီးနဲ့ ပြေးဝင်လာတဲ့ မိုင်လေးဆိုင်ရပ်စ်ပဲ။
မင်းရဲ့ရင်သားနဲ့တင်ပါးထဲက ဆီလီကွန်တွေမှာ စပါးကြီးသည်းခြေကိုဆော့ဖ်ဝဲလ်လုပ်ပြီးထည့်ထားတယ်။
ဒေါက်မြင့်ဖိနပ်ကြီးစီးပြီး မင်းလမ်းလျှောက်တဲ့အခါဆန့်ကျင်ဘက်လိင်တွေဟာ လည်တဆန့်ဆန့်နဲ့လမ်းပေါ်
ထွက်လာကြတယ်။မင်းနှုတ်ခမ်းတွေက ယူရေနီယံနဲ့ထွင်းထားတာလား/ တိုက်တေနီယံနဲ့သွန်းထားတာလား။
ငွေရောင်တစ်လက်လက်ထနေတဲ့ ပလက်တီနမ်လိုမင်းရဲ့အရေပြားက ဘာရောင်ခြည်ကိုမှ
မမှုဘူးဆိုတာတော့သေချာတယ်။ကမ္ဘာကြီးပူနွေးလာတာကိုလည်း မင်းမသိဘူး။
သစ်တောတွေပြုန်းတီးနေတာလည်း မင်းမသိဘူး။
လူတွေတဏှာ/အာဏာရူး ရူးနေတာလည်း မင်းမသိဘူး။
ရောဂါပိုးအသစ်အသစ်တွေဖြစ်ပေါ်နေတာကိုလည်း မင်းမသိဘူး။
ကိုယ်ချင်းစာတရားတွေ စုတ်ပြတ်သတ်လာတာလည်း မင်းမသိဘူး။
မင်းဟာမင်းရဲ့ အလျင်အတိုင်းရွေ့တယ်။မင်းဟာမင်းရဲ့ ကြိမ်နှုန်းအတိုင်းစကားလုံးတွေပြုလုပ်တယ်။
သံမဏိဆန်တဲ့ စကားသံဖြစ်အင်္ဂါတွေကနေ မင်းရဲ့ ကလူ၏သို့ မြူ၏သို့ တေးသွားကို တက္ကနစ်ကျကျ
နားဆင်နိုင်တယ်။မင်းဟာစိတ်မကောက်တတ်ဘူး။မင်းဟာအော်ဂလီမဆန်တတ်ဘူး။
မင်းမှာရှိသင့်တဲ့ အရှက်အကြောက်ဝါယာကြိုးတွေဟာ လျှပ်စီးပတ်လမ်းကနေ ပြုတ်ထွက်နေပြီ။
မင်းဟာယဉ်ကျေးမှုဆိုတာကြီးကိုအေးတိအေးစက်မျက်လုံးတွေနဲ့အကန်းတစ်ယောက်လိုကြည့်တတ်သလို။
တရားခြင်း/မတရားခြင်းကိုလည်း ရှပ်ဒေါင်းချထားတဲ့ မင်းရဲ့နားတွေနဲ့နားထောင်တတ်တယ်။
"မင်းမှာပတ်ဝန်းကျင်ရှိတယ်။မင်းမှာအဖွဲ့အစည်းရှိတယ်။မင်းဟာဘာသာတရားတစ်ခုခုကို ကိုးကွယ်ရမယ်။"
အဲ့သလို လူသားဆန်တဲ့လေသံတွေကို မခံစားချင်လို့ ငါ့နှလုံးသားနဲ့ ဦးနှောက်ကို အပေါ့စားအစိုင်အခဲတွေနဲ့
အစားထိုးပစ်ခဲ့တာပေါ့လို့ မင်းရဲ့ ၁၆ပဲရည်မပြည့်တဲ့ ကြေးနီရောင်ရွှေပါးစပ်ကြီးကပြောပြောနေကျ။
မင်းခန္ဓာကိုယ်ထဲကရှုပ်ယှက်ခက်နေတဲ့အလူမီနီယံပိုက်လိုင်းတွေထဲမှာ သွေးအစား
အဏုမြူတွေသာလှည့်ပတ်လို့။မင်းဟာကိုယ်ဝန်မဆောင်နိုင်တော့ဘူး။လူမျိုးတုန်းသတ်ဖြတ်မှုတွေ
အတွက်လည်း မင်းဝမ်းနည်းကြေကွဲနေမှာမဟုတ်ဘူး။မင်းဟာမိခင်နို့ရည်ကို မစို့ရဘဲ၊မေတ္တာတရားကို
မခံယူရဘဲတစ်စစီကောက်တပ်ခြင်းခံထားရတဲ့ ကာမစက်ရုပ်တစ်ရုပ်။မင်းနာမည်ကို မင်းပြန်မှတ်မိဖို့
အတွက်တောင် မင်းနားထင်ကခလုတ်ကို ခဏခဏ မင်းပြန်နှိပ်နေရတယ် မဟုတ်လား။
လူသားကြီးစိုးရေးဝါဒဟာ လူသားတွေရဲ့အတ္တကြောင့်ပဲ တရွေ့ရွေ့နဲ့ ဆုတ်ယုတ်ယိုယွင်းစပြုနေပါပြီ။
ဒါတွေက မင်းကိစ္စမဟုတ်ဘူး။လောလောဆယ် မင်းအိပ်ရေးဝဖို့ မင်းအောင်ပွဲခံဖို့
မင်းအော်ဒါကောင်းကောင်းလိုက်နိုင်ဖို့။မင်းရဲ့ကျောပြင်ကို နျူးကလီးယားနံရံမှာသွားကပ်ထားလိုက်ပါ။
မင်းအိပ်မက်ထဲက screen ပေါ်မှာ ပေါ်လာတဲ့ နာမည်ဟာ နောက်တစ်နေ့ မင်းတရားဝင်လှုပ်ရှားဖို့အတွက်
မင်းရဲ့နာမည်အသစ်တစ်ခုပါပဲ မိဝါဆို။